चितवन । पहिरोका कारण अवरुद्ध रहेको नारायणगढ–मुग्लिन सडकखण्ड एकतर्फी सञ्चालनमा आएको छ ।
नारायणगठ –मुग्लिन सडकखण्ड अन्तर्गत तीन किलो, चार किलो र सेतीदोभानमा खसेको पहिरो हटाएपछि एकतफी सञ्चालनमा आएको जिल्ला प्रहरी कार्यालय चितवनले जनाएको छ ।
एकतर्फी मात्रै भएपनि सडक सञ्चालनमा आएपछि पहिरोका कारण रोकिएकाहरुलाई पालैपालो गन्तव्यमा पठाउने क्रम सुरु भएको छ ।
अझै पनि सडकखण्डका विभिन्न स्थानहरुमा रहेको पहिरो अवरोध हटाउने काम जारी रहेको छ जसका कारण सडक दुई तर्फ सूचारी हुन केही समय लाग्ने प्रहरीले जनाएको छ । पहिरोका कारण सडक अवरुद्ध हुँदा सयौं यात्रुहरु अलपत्र परेका छन् ।
