Mountain Television
Sun, 22 Jul 2018

दशैं मनाउन भारतबाट घर फर्किने नेपाली सीमा क्षेत्रमा लुटिए

पुष्कर भट्ट, २८ भदौ, कञ्चनपुर ।दशैं मनाउन भारतबाट मजदुरी गरेर घर फर्किने नेपालीहरुबाट सीमा क्षेत्रमा भारतीय सुरक्षाकर्मी र भन्सारका कर्मचारीबाट लुटिन थालेका छन् ।

नेपाल–भारत सीमा क्षेत्रअन्तर्गत कञ्चनपुरको बनवासा–गड्डाचौकी नाका भएर घर फर्किने नेपालीलाई सीमा क्षेत्रमै रकम असुली गर्ने गरिएको हो ।

भारतको हरियाणास्थित जमुना नगरबाट काम गरेर दशैं मनाउन फर्किनुभएका अछामका राजु भण्डारीले बनवासादेखि महेन्द्रनगर पुग्दा १६ सय रुपैयाँ बुझाउनुपरेको बताउनुभयो ।

त्यस्तै, भारतको रुडकीबाट घर आउँदै गर्नुभएका डोटीका दिलबहादुर साउदले पनि सीमा क्षेत्रमा भारतीय प्रहरीबाट जबर्जस्ती रकम असुली भएको दुखेसो गर्नुभयो ।

खेतीपाती सकेर मजदुरी गर्न भारत पसेका र लामो समयदेखि भारतमै मजदुरी गर्दै आएका नेपालीहरु चाडपर्व नजिकिँदै गर्दा घर फर्किने क्रम बढेको छ । वर्षभर मजदुरी गरेर चाडपर्वमा घरपरिवारसहित फर्किनेहरूबाट वनवासा पुलपारि भारतीय प्रहरी र भन्सारका कर्मचारीले जबर्जस्ती रकम असुल गर्ने गरेका गरेका छन् ।

तर, स्थानीय प्रशासन भारतीय कर्मचारीको प्रवृत्ति रोक्न असफल देखिएको छ । कञ्चनपुर प्रशासनले भने हरेक पटक बस्ने सीमा बैठकमा नेपालीमाथि हुने गरेका ज्यादती रोक्ने विषयमा छलफल भए पनि कार्यान्वयनमा नआएको जनाएको छ ।

सीमा क्षेत्रमा आफ्ना नागरिक लुटिरहँदा स्थानीय प्रशासनले भारतले बेवास्ता गरेको जवाफ दिएरमात्र पुग्दैन । नागरिकको सुरक्षाका लागि सरकारस्तरबाटै कूटनीति पहलका लागि पनि स्थानीय प्रशासनले कदम चाल्न आवश्यक छ ।

 

By:

10 months ago

कृपया तपाईको प्रतिकृया यहाँ दिनुहोला!