एजेन्सी, ३० चैत । इंग्लिस प्रिमियर लिग फुटबल अन्तर्गत शुक्रवार राति भएको खेलमा न्यूक्यासल युनाईटेड विजयी भएको छ । गएराति भएको खेलमा न्यूक्यासलले लेस्टर सिटीलाई १–० गोलअन्तरले पराजित गरेको हो ।
न्यूक्यासलको जितमा अयोज पेरेजले ३२ औं मिनेटमा गरेको गोल नै निर्णायक बन्यो ।न्यूक्यासल ३४ खेलबाट ३९ अंकसहित तालिकाको १२ औं स्थानमा रहेको छ । घरेलु मैदानमा हार ब्यहोरेको लेस्टर ४७ अंकसहित तालिकाको सातौं स्थानमा छ ।