काठमाडौं, २९ मंसिर । शनिवार भएको सहिद स्मारक ’ए’ डिभिजन लिग फुटबलमा थ्री स्टार क्लबले मछिन्द्र क्लबलाई पराजित गरेको छ । हलचोक स्थित एपीएफ मैदानमा भएको दोस्रो खेलमा थ्री स्टारले मछिन्द्रलाई १–० गोल अन्तरले हराएको हो ।
डिफेन्डर रन्जित धिमालले खेलको १२ आैं मिनेटमा पेनाल्टीमा गरेको गोल थ्री स्टारलाई जितका लागि पर्याप्त बन्यो । जितसंगै थ्री स्टारले ८ खेलबाट २१ अंक जोड्दै तालिकाको दोस्रो स्थानमा उक्लिएको छ ।
मछिन्द्र ३ अंक सहित तालिकाको १३ आैं स्थानमा छ । यसैगरी पहिलो खेलमा च्यासल युथक्लबले ’ए’ डिभिजन लिगमा चौथो जित निकालेको छ ।
शनिबार भएको खेलमा ब्रिगेड ब्वाईजलाई २–० ले पराजितगर्दै च्यासलले तीन अंक जोडेको हो । जितसंगै च्यासलले ८ खेलबाट १३ अंकजोड्दै तालिकाको पाँचौ स्थानमा उक्लिएको छ । ब्रिगेड ४ अंक जोडेर १२ औं स्थानमा रहेको छ ।
