काठमाडौं, १८ असोज । अन्तिम समयमा श्रीलंकाले सहभागी नहुने निर्णय गरेपछि नेपालमा हुने युु—१५ साफ च्याम्पियनसिप फुटबल प्रतियोगिताको खेलतालिका परिमार्जन भएको छ ।
नयाँ तालिकाअनुसार समूह ए मा रहेको नेपालले समूूह चरणमा माल्दिभ्स र बंगलादेशसँग प्रतिस्पर्धा गर्ने भएको छ । कात्तिक ८ गतेबाट एन्फा कम्प्लेक्समा हुने प्रतियोगिताका लागि दक्षिण एसियाली फुटबल महासंघले बिहीबार नयाँ खेल तालिका सार्वजनिक गरेको हो ।
समूूह बी मा भारत, भुटान र पाकिस्तान रहेका छन् । नेपालले पहिलो खेल कात्तिक ८ मा माल्दिभ्ससँग खेल्नेछ भने दोस्रो कात्तिक १२ गते बंगलादेशसँग खेल्नेछ । लिग कम नकआउटका आधारमा हुने प्रतियोगिताको फाइनल खेल कात्तिक १७ गते हुनेछ ।
