काठमाडौं । बार्सिलोनाका ब्राजिलियन फरवार्ड नेइमार फ्रान्सेली क्लब पेरिस सेन्ट जर्मेन (पीएसजी)जाने पक्का भएको छ ।
बेलायती पत्रिका मेट्रोले नेइमार पिएसजीमा अनुबन्ध हुन लागेको र त्यसका लागि सम्झौता अन्तिम चरणमा पुगेको जनाएको छ ।
पिएसजीले नेइमारलाई १९ करोड ७० लाख पाउण्ड स्ट्रर्लिङमा अनुबन्ध गर्न लागेको हो । सम्झौताका लागि नेइमार राजी भएको र अनुबन्ध सम्झौता आउँदो सोमबार वा मंगलबार हुने दाबी गरिएको छ ।
नेइमारका बुवाले पिएसजीसँग छलफल गरिरहेको र नेइमारले पिएसजीसँग पाँच वर्षको सम्झौता गर्ने लगभग पक्का भएको छ ।
पिएसजीमा गएपछि नेइमारले वर्षको झण्डै दुई करोड ७० लाख पाउण्ड कमाइ गर्ने छन् ।