काठमाडौं । भारतबाट भन्सार छली नेपालतर्फ ल्याउदै गरेको लत्ताकपडा र किराना सामान प्रहरीले बरामद गरेको छ ।
रौतहट जिल्लाको गौर नगरपालिका ५ स्थित सबगढा र गरुडा नगरपालिका ५ स्थित शिवनगरबाट फागुन १५ गते सशस्त्र प्रहरीले करीब ५ लाख ८० हजार रुपैयाँ बराबरको चोरीपैठारीको लत्ताकपडा र किराना सामान बरामद गरेको हो ।
सामान सशस्त्र प्रहरी बल नेपाल नं. ११ गण रौतहटले बरामद गरेको हो ।
बरामद लत्ताकपडा तथा किराना सामान भन्सार कार्यालय गौरमा बुझाइएको छ ।
