काठमाडौं । नेपालमा पछिल्लो २४ घण्टामा थप २ हजार २ सय ९५ मा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा भएका १६ हजार २ सय ३३ परीक्षणमध्ये २ हजार २ सय ९५ मा संक्रमण पुष्टि भएको हो ।
मन्त्रालयका अनुसार ११ हजार ८ सय ९२ पीसीआर परीक्षणमा १ हजार ९ सय २ र ४ हजार ३ सय ४१ एन्टिजेन परीक्षणमध्ये ३ सय ९३ मा संक्रमण पुष्टि भएको हो ।
त्यसैगरी पछिल्लो २४ घण्टामा १६ जनाको कोरोना संक्रमणको कारण मृत्यु भएको छ । नेपालमा हालसम्म १० हजार ७ सय ३० ले कोरोनाका कारण ज्यान गुमाईसकेका छन् ।
पछिल्लो २४ घण्टामा संक्रमणमुक्त हुनेको संख्या भने १ हजार ८ सय ८ रहेको छ । नेपालमा संक्रमण निको हुनेको दर ९३.९ प्रतिशत रहेको छ । मन्त्रालयका अनुसार हालसम्म ७ लाख १४ हजार ५ सय २० संक्रमणमुक्त भईसकेका छन् ।
हाल नेपालमा ३५ हजार ८ सय ७४ सक्रिय संक्रमित रहेका छन् ।