काठमाडौं । जनता समाजवादी पार्टीका अध्यक्ष उपेन्द्र यादव र नेकपा महासचिव नेत्र विक्रम चन्दबीच भेट वार्ता भएको छ ।
विप्लव आफ्ना पार्टीका नेताहरु खड्ग बहादुर विश्वकर्मासहित अध्यक्ष यादवलाई भेट्न उनको निवासमा पुगेका थिए ।
विप्लवले पछिल्लो समय राजनीतिक भेटघाटलाई तिब्र पारेका छन् । यसअघि शनिबार विप्लवले जसपा अध्यक्ष महन्थ ठाकुर र नेकपा एमालेका नेता तथा पूर्व गृहमन्त्री रामबहादुर थापा बादलसँग पनि भेटवार्ता गरेका थिए ।
यसअघि विप्लवले प्रधानमन्त्री देउवा, निवर्तमान प्रधानमन्त्री केपी शर्मा ओली, माओवादी केन्द्रका अध्यक्ष पुष्पकमल दाहाल, एमाले नेता माधव कुमार नेपाल, जसपा नेता बावुराम भट्टराईका साथै मोहन बैद्यलाई समेत भेट गरिसकेका छन् ।
