काठमाडौं । नेकपा एमालेका नेता तथा पूर्व गृहमन्त्री रामबहादुर थापा बादल र नेकपा महासचिव नेत्र विक्रम चन्दबीच भेट वार्ता भएको छ ।
विप्लव आफ्ना पार्टीका नेताहरु खड्ग बहादुर विश्वकर्मा प्रकाण्ड र सन्तोष बुढामगरसँगै पूर्वमाओवादी नेता थापालाई भेट्न उनको निवासमा पुगेका थिए ।
बादल र विप्लव माओवादी द्वन्द्वकालदेखिका सहयोद्धा थिए । विप्लवलाई शान्ति सम्झौतामा ल्याउन गठन गरिएको वार्ता टोलीमा बादल पनि सहभागी थिए ।
विप्लवले पछिल्लो समय राजनीतिक भेटघाटलाई तिब्र पारेका छन् । यसअघि शनिबार नै विप्लव र प्रकाण्ड जसपाका अध्यक्ष महन्थ ठाकुरसँग भेटवार्ता गरेका थिए ।
उनले प्रधानमन्त्री देउवा, निवर्तमान प्रधानमन्त्री केपी शर्मा ओली, माओवादी केन्द्रका अध्यक्ष पुष्पकमल दाहाल, एमाले नेता माधव कुमार नेपाल, जसपा नेता बावुराम भट्टराईका साथै मोहन बैद्यलाई समेत भेट गरिसकेका छन् ।
