एजेन्सी । भारतमा पछिल्लो २४ घण्टामा ४१ हजार ३ सय ८३ मा कोरोना संक्रमण पुष्टि भएको छ ।
कोरोनाका कारण ज्यान गुमाउनेको संख्या भने ५ सय ७ रहेको छ । योसँग भारतमा कोरोनाका कारण चार लाख १८ हजार ९ सय ८७ जनाले ज्यान गुमाईसकेका छन् ।
हाल भारतमा चार लाख ९ हजार ३ सय ९४ सक्रिय संक्रमित रहेका छन् ।
त्यसैगरी पछिल्लो २४ घण्टामा संक्रमणमुक्त भएका ३८ हजार ६ सय ५२ सहित भारतमा संक्रमणमुक्त हुनेको संख्या तीन करोड ४ लाख २९ हजार ३ सय ३९ पुगेको छ ।
भारतमा हालसम्म ४१ करोड ५८ लाख ५१ हजारभन्दा बढीले कोरोनाविरुद्धको खोप लगाईसकेका छन् ।