काठमाडौं । पाकिस्तानका प्रधानमन्त्री इमरान खानले प्रधानमन्त्री शेरबहादुर देउवालाई बधाई दिएका छन् ।
पाकिस्तानका प्रधानमन्त्री खानले सोमबार बिहान ट्वीट गर्दै प्रधानमन्त्री देउवाले विश्वासको मत पाएकोमा बधाई दिएका हुन् ।
प्रधानमन्त्री खानले दुई देशबीचको सम्बन्ध अझ प्रगाढ बनाउन चाहेको उल्लेख गर्दै साझा हितका लागि नेपालसँगको सहकार्यलाई जारी राख्ने पनि जिकिर गरेका छन् ।
भारतीय प्रधानमन्त्री नरेन्द्र मोदीले भने आइतबार राति नै प्रधानमन्त्री देउवालाई विश्वासको मत पाएकोमा टेलिफोन गरेरै बधाई दिएका थिए ।
मोदीले फोन गरेर पनि देउवालाई बधाई तथा सफल कार्यकालको शुभकामना व्यक्त गरेको प्रधानमन्त्री देउवाको सचिवालयले जनाएको छ।
