काठमाडौं । नेकपा एमालेका नेता माधवकुमार नेपाल पक्षका नेताहरु आज बैठक बस्ने भएका छन् ।
गएको आइतबार प्रधानमन्त्री शेरबहादुर देउवालाई विश्वासको मत दिएका आफ्ना पक्षका सांसदहरुसँग भेला बस्न लागेका हुन् ।
सोमबार बसेको एमालेको केन्द्रीय कमिटीको बैठकले प्रधानमन्त्री देउवालाई विश्वासको मत दिने एमाले सांसदहरुलाई २४ घण्टे स्पष्टिकरण सोध्ने निर्णय गरेको थियो । सो पछि साँझ बसेको नेपाल पक्षको बैठकले स्पष्टिकरण नदिने निर्णय गरेको थियो ।
देउवालाई ओली पक्षका ८ सांसदसहित २२ सांसदले फ्लोरक्रस गर्दै विश्वासको मत दिएका थिए । एमालले स्पष्टिकरण सोध्ने निर्णय गरेपनि नेताहरुले भने स्पष्टिकरण नपाएको बताएका छन् ।
मंगलबार बिहान नेपाललाई भेट्न माओवादी केन्द्रका अध्यक्ष पुष्पकमल दाहाल कोटेश्वर पुगेका थिए ।