एजेन्सी, २७ चैत । दैनिक एक लाखभन्दा बढीमा कोरोना संक्रमण पुष्टि भईरहेको भारतमा पछिल्लो २४ घण्टामा पनि अहिलेसम्म कै उच्च संक्रमित फेला परेको छ ।
भारतीय स्वास्थ्य तथा परिवार कल्याण मन्त्रालयका अनुसार भारतमा पछिल्लो २४ घण्टामा एक लाख ३१ हजार ८ सय ९३ मा संक्रमण पुष्टि भएको छ ।
योसँगै भारतमा संक्रमित हुनेको कुल संख्या एक करोड ३० लाख ५७ हजार ९ सय ५४ पुगेको छ । हाल भारतमा सक्रिय संक्रमित मात्रै ९१ हजार ३ सय १९ छन् ।
त्यसैगरी भारतमा पछिल्लो २४ घण्टामा आठ सय २ संक्रमितको मृत्यु भएको छ । अघिल्लो २४ घण्टामा यो संख्या छ सय ८५ थियो । योसँगै भारतमा संक्रमणका कारण मृत्यु हुनेको संख्या एक लाख ६७ हजार ६ सय ९४ पुगेको छ ।