काठमाडौं, २६ बैशाख । वर्षा र सहकालका देवता मानिने रातो मच्छिन्द्रनाथको रथयात्रा बिहीबार ललितपुरको गाबहाल पु-याइएको छ ।
बुधबार पुल्चोकबाट सूरु गरिएको सो रथयात्रा गावहाल पु-याइएको हो । गाबहालमा अहिले रातो मच्छिन्द्रनाथको दर्शन गर्नेहरुको भीड लागेको छ । घरघरबाट आएका नेवारी समूदायले रातो मच्छिन्द्रनाथको रथमा पूजाआजा, भजन र्कीतन गरी आफ्ना चेलीबेटीहरुलाई सोही ठाउँमा दक्षिणा दिने गर्दछन् । रथयात्रा आजै मंगलबजार हुँदै सुन्धारा पु-याइनेछ । सुन्धाराबाट महाबौद्ध र चाकुबहाल हुँदै लगनखेल लगिन्छ ।
लिच्छवीकालका राजा नरेन्द्रदेवको पालामा भारतको कामरुप कामाख्या अर्थात् रातो मच्छिन्द्रनाथलाई काठमाडौं उपत्यकामा ल्याइएको किंवदन्ती छ । रातो मच्छिन्द्रनाथको रथयात्रा सुरु भएको आठौं दिनसम्म घरघरबाट रातो मच्छिन्द्रनाथको रथयात्रामा सहभागी हुँदै भोज भतेर गर्ने गरिन्छ ।
