बोको हरामको नियन्त्रणबाट ८२ जना छात्रा मुक्त

काठमाडौं । नाइजेरीयाको इस्लामिक विद्रोही समूह बोको हरामको अपहरणमा परेका २ सय ७६ छात्रामध्ये ८२ जना मुक्त भएका छन् ।

उनीहरु सेनाको संरक्षणमा रहेको नाइजेरियाका अधिकारीले बताएका छन् । उत्तर पश्चिम

नाइजेरियाबाट तीन वर्ष पहिले चिबोक समुदायका ती छात्राहरु अपहरणमा परेका थिए । उनीहरुलाई सरकारसँगको वार्ताका क्रममा बोको हरामले रिहा गरेको भनिए पनि विस्तृत जानकारी भने दिइएको छैन ।

८२ जना छात्रा रिहा भए पनि बाँकी १९५ छात्राको अवस्था अज्ञात नै रहेको बिबिसीले जनाएको छ । अपहरणमा परेका मध्ये गत वर्ष रेडक्रसको पहलमा २१ जना छात्रालाई बोको हरामले रिहा गरेको थियो ।

अपहरणकै क्रममा भने ५० जना छात्रा भाग्न सफल भएका थिए । छात्राहरु अपहरणमा परेपछि विश्व समुदायले रिहाको माग गर्दै पहल कदमी गरेक थिए ।