काठमाडौं, २९ कात्तिक । कतारमा आयोजना हुने फिफा विश्वकप फुटबलको दोस्रो चरणको छनोट अन्तर्गत कुवेतसँग खेल खेल्ने नेपाली राष्ट्रिय टिमको घोषणा भएको छ ।
अखिल नेपाल फुटबल संघ (एन्फा) ले शुक्रबार कुवेतसँग खेल्ने २३ सदस्सिय नेपाली टिमको घोषणा गरेको हो । नेपालले मंसिर ३ गते भुटानको थिम्पुस्थित चाङ्लिमिथाङ रंगशालामा कुवेतसँग खेल्दैछ ।
नेपालले कुवेतसँगको खेल अघि गत साता म्यानमारसँग मैत्रीपूर्ण खेल खेलेको थियो । नेपालको पहिलो होम खेलको रुपमा रहेको उक्त खेल यस अघि दशरथ रंगशाला हुने तय भएको थियो ।
तर, पुननिर्माण भईरहेको नेपालको दशरथ रंगशाला अन्तर्राष्ट्रिय मापदण्ड अनुसार नबनेपछि फिफा र एसियन फुटबल फेडेरेसन (एएफसी) ले खेल अन्तै गर्न एन्फालाई निर्देशन दिएको थियो ।
सोही कारण खेल भुटानमा हुन लागेको हो । छनोटको सबै अवे खेल खेलिसकेको नेपालले ४ खेलमा ३ अंक जोडेको छ । समूह बी मा नेपाल समूहको चौंथो स्थानमा छ ।
नेपाली टिम :
गोलकिपर : विकेश कुथु, विशाल श्रेष्ठ, किरण चेम्जोङ
डिफेन्डर : सुमन अर्याल, देवेन्द्र तामाङ, सरोज दाहाल, अजित भण्डारी, दिनेश राजवंशी, अनन्त तामाङ, रजिन धिमाल
मिडफिल्डर : सन्तोष तामाङ, मिक्छेन तामाङ, रोहित चन्द, सुनिल बल, रवी पासवान, अन्जन बिष्ट, सुजल श्रेष्ठ, बिक्रम लामा, तेज तामाङ
फरवार्ड : विमल घर्ति मगर, नवयुग श्रेष्ठ, अविशेक रिजाल, भरत खवास
