एसीसी इस्टर्न रिजन यू १९ क्रिकेटमा नेपाल फाइनल प्रवेश | ईमाउण्टेन समाचार

Our Network

वैशाख २३ २०८१, आइतबार

एसीसी इस्टर्न रिजन यू १९ क्रिकेटमा नेपाल फाइनल प्रवेश

cricket nepal

एजेन्सी, २३ असार । एसीसी इस्टर्न रिजन यू १९ क्रिकेटमा नेपाल फाइनल प्रवेश गरेको छ । किनरारा ओभल मैदानमा घरेलु टोली मलेसियालाई ७ विकेटले पराजित गर्दै फाइनलमा स्थान बनाएको हो । ८८ रनको लक्ष्य नेपालले १५.५ ओभरमा ३ विकेट गुमाएर पुरा गरेको थियो । नेपालको जितमा भीम सार्की र रोहित कुमार पौडेलले नटआउट ६० रनको साझेदारी गरे ।

शार्की ३३ रनमा नट आउट रहँदा रोहित ३१ रनमा नट आउट रहे । पवन शर्राफ १८ रनमा आउट हुँदा रीत गौतम ३ रनमा पेभेलियन फर्किए । खडक बोहराले भने खाता खोलल्न सकेनन् । मलेसियाका हकिल मोहमदले २ विकेट लिए । त्यसअघि, किनरारा ओभल मैदानमा टस हारेर पहिले ब्याटिङ गरेको घरेलु टोली मलेसियाले ४०.५ ओभरमा सबै विकेट गुमाएर ८७ रनको योगफल खडा गरेको थियो । नेपालको सानदार बलिङ पछि मलेसियाका ब्याट्सम्यानहरुले सुस्त प्रदर्शन गर्न बाध्य भएका थिए ।

मलेसियाका ३ खेलाडीले मात्र दोहोरो अंकको रन छुन सके । तेस्रो नम्बरमा मुहम्मद अमीरले बनाएको २४ रनै मलेसियाको पारीमा सर्वाीधक व्यक्तिगत स्कोर हो । वान अमिरुल ११, हइकल मोहद खइर १२ र अहमद अलिफले १० रन जोडेर आउट भए । नेपाल प्रतियोगिताको साविक विजेता हो । बलिङतर्फ नेपालका लागि सागर ढकालले ३ विकेट लिए । उनले १० ओभरमा ३ मेडन राख्दै १६ रन खर्चिए । ९ ओभरमा ५ मेडनसहित १३ रन खर्चेका कुशल मल्लले २ विकेट लिए । रसिद खान र तिलकराज भण्डारीले पनि एक एक विकेट लिए ।

(function ($) { $(function () { $('#announcementModal').modal('show'); }) })(jQuery);