एजेन्सी, १४ पुस । इजिप्टमा पर्यटक बसलाई लक्षित गरी गराइएको विस्फोटमा तीन जना पर्यटकसहित चार जनाको मृत्यु भएको छ । गिजा पिरामिड नजिकै पर्यटक बसलाई लक्षित गरी भएको विस्फोटमा तीन जना भियतनामी पर्यटक र एक स्थानीय गाइडको मृत्यु भएको हो । घटनामा १२ जना घाइते भएका छन् ।
भियतनामबाट गएका १४ जना पर्यटकलाई लिएर गइरहेको बस गिजा पिरामिड नजिकैको बाटोको छेउमा विस्फोट भएको हो । दुर्घटनामा घाइते १२ मध्ये दुई जनाको अवस्था गम्भीर रहेको अधिकारीहरुले जनाएका छन् ।
विस्फोटनको जिम्मेवारीले कसैले पनि लिएको छैन । यसअघि इस्लामिक स्टेटले पर्यटकलाई लक्षित गर्दै आक्रमण गर्ने गरेको बताइएको छ ।
