एजेन्सी, २५ बैशाख । पाकिस्तानको लाहोरमा भएको आत्मघाती विस्फोटमा ८ जनाको मृत्यु भएको छ । सुफी सम्प्रदायको धार्मिक तीर्थस्थल नजिकै बुधवार अज्ञात समूहले उक्त विस्फोटन गराएको हो । मारिनेमा ५ जना प्रहरी रहेका छन । विस्फोटमा अन्य २४ जना घाइते भएका छन ।
प्रधानमन्त्री इमरान खानले घटनाको निन्दा गरेका छन् । उक्त आक्रमण आत्मघाती भएको पाकिस्तानी संचारमाध्यमले जनाएका छन ।
पाकिस्तानी अधिकारीहरूका अनुसार प्रहरी चढेको एउटा गाडीलाई लक्षित गरेर विस्फोट गराइएको थियो । अहिलेसम्म कुनै पनि समूहले सो घटनाको जिम्मेवारी नलिएको जनाइएको छ ।
