काठमाडौं, ७ भदौ । जल तथा मौसम विज्ञान विभागले परिक्षण उडान प्रारम्भ गरेको मौसमी बेलुनबाट मौसम पूर्वानुमानसहित वायुमण्डलका विभिन्न सूचनाहरु प्राप्त गर्न सजिलो भएको बताएको छ ।
किर्तिपुरस्थित त्रिभुवन विश्वविद्यालयको प्राङ्गणमा रहेको रेडियोसोण्ड केन्द्रबाट उडाइने मौसमी बेलुनबाट तीन सय किलोमिटर क्षेत्रफलमा बत्तीस किलोमिटर उचाइसम्मको क्षेत्रफल कभर गर्छ । बेलुनमा जडित सेन्सरले तापक्रम, बायुको चाप, सापेक्षिक आद्र्रता र वायुको गतिजस्ता कुराहरु पत्ता लगाउने विभागले जनाएको छ ।
नेपालमा पहिलो पटक सुरु गरिएको मौसमी बेलुन उडान कार्यक्रमबाट नेपालको मौसम सम्बन्धी जानकारी लिन सजिलो हुने सरोकारवालाहरुले जनाएका छन् ।
