पाल्पा, २० साउन । पाल्पाको रिब्दीकोट गाउँपालिका ६ ठिमुरेमा जीप दुर्घटनामा परि मृत्यु भएका दुई जनाको शव फेला परेको छ ।
हिजो दुर्घटनामा परेको बा १ च ८९७० नम्बरको जीपमा सवार दुई जनाको शव आज भेटिएको प्रहरीले जनाएको छ । मृत्यु हुनेमा तानसेन १० का २५ वर्षिय विवेक पौडेल र डोल्पाका ३६ वर्षिय टंक चलाउने रहेका छन् ।
तानसेनबाट विद्युत्का सामाग्री लिएर ठिमुरे जाँदै गरेको जीप दुर्घटना भएको हो । दुर्घटना राति भएकाले उद्धामा कठिन भएको थियो ।