काठमाडौं, २८ असार । अविरल वर्षाका कारण पोखरा–बागलुङ सडकखण्ड अवरुद्ध भएको छ ।
पर्वतको मोदी गाउँपालिका–५ स्थित बाजुङमा लेदोसहितको पहिरोका कारण पोखरा–बागलुङ सडकखण्ड अवरुद्ध भएको छ । पोखराबाट पर्वत हुँदै मुस्ताङ, म्याग्दी र बागलुङ जाने तथा पर्वत हुँदै पोखरा तथा अन्य लामो तथा छोटो दूरीमा जाने सयौं सवारीसाधन बीच बाटोमा रोकिएका छन् ।
सवारीसाधन रोकिंदा यात्रुको विचल्ली भएको छ । पानी पर्ने क्रम नरोकिएकाले पहिरो पन्छाउन समय लाग्ने प्रहरीले जनाएको छ ।
