काठमाडौं, ९ चैत । अमेरिकाले आफ्नो मुलुकमा चीनको लगानी घटाउने निर्णय गरेको छ ।
राष्ट्रपति डोनल्ड ट्रम्पले चिनियाँ लगानी सीमित गर्ने तथा चिनियाँ सामानमाथि ६० बिलियन अमेरिकी डलरको शुल्क लगाउने निर्णय गरेको हो । ट्रम्पले चीनले अमेरिकाको व्यापार क्षेत्रबाट बौद्धिक चोरी गरेको आरोप लगाउँदै यो निर्णय लिएका हुन । चिनियाँ अर्थव्यवस्थाबाट भइरहेको अन्यायपूर्ण चुनौतिको सामना गर्न यस्तो कदम चाल्नुपरेको ह्वाइट हाउसले जनाएको छ ।
ट्रम्पले यसअघि स्टिल र अल्मुनियमको आयातमा करको दर बढाउनु भएको थियो । अमेरिकाको यस कदमले विश्वमा व्यापार युद्ध निम्त्याउन सक्ने आशंका गरिएको छ । चीनले अमेरिकी कदमको उचित जवाफ दिने बताएको छ ।
