काठमाडौं, २१ फागुन । खुलेको आधा घण्टासम्म नेप्से परिसूचक निरन्तर उकालो लागेपनि अन्ततः सेयर बजार घटेर बन्द भएको छ ।
१ हजार ३ सय १९ दलशमव ५१ अंकसम्म पुगेको बजार अन्ततः १५ दशमलव ६९ अंकले घटेर बन्द भएको हो । व्यापार र होटलबाहेक कारोबार भएका सबै उपसूचक ओरालो लागेका छन् ।
बीमा समूह सबैभन्दा धेरै १ सय १९ दशमलव २१ अंकले घटेको छ । बजार निरन्तर ओरालो लाग्न थालेपछि कारोबार रकममा पनि गिरावट आएको छ ।
दिनभरिमा १ सय ५३ वटा कम्पनीको नौ लाख ७७ हजार ४७ कित्ता सेयर खरिदविक्री हुँदा ३९ करोड ५२ लाख १७ हजार रुपैयाँको करोबार भएको छ ।
