काठमाडौं । स्पेनीस ला लिगाको अंक तालिकामा बार्सिलोनाले आफ्नो अग्रता कायमै राखेको छ ।
लिओनल मेसीको २ गोलको सहयोगले बार्सिलोनाले स्पेनिस ला लिगाअन्तर्गत शनिवार राती सम्पन्न खेलमा भिलारियललाई ४–१ गोलले पराजित गरेको छ । बार्सिलोनाको जितमा अग्रपंक्तिका ३ जनै स्टार स्ट्राइकर ‘एमएसएन’ ले गोल गरे। नेइमारले पहिलो हाफको २१ मिनेटमा घरेलु टोलीलाई गोलको अग्रता दिलाएका थिए । उनले मेसीको पासमा डिबक्स भित्रबाट गोल गरेका थिए । पहिलो हाफमा घरेलु टोलीलाई अग्रता दिलाउन मेसीले गोल गरे । उनले पहिलो हाफको खेल सकिन केही सेकेन्डको समय बाँकी रहँदा गोल गरेका थिए । उनले ८१ मिनेटमा पेनाल्टीमार्फत अर्को उत्कृष्ट गोल गरेका थिए । यसअघि सुआरेजले ६८ मिनेटमा गोल गरेका थिए । उनले मेसीको पासमा बल अगाडि बढाउदै डिबक्स भित्रबाट गोल गरेका थिए। । मेस्सीले यो सिजनको युरोपेलि लिगहरुमा ५० गोल कटाएका छन् । उनले यो खेलमा गरेको दुई गोलले यो सिजन उनको ५१ ऋौं गोल पुरा भएको छ ।
यता क्रिस्टियानो रोनाल्डोलाई विश्राम दिएको खेलमा रियल म्याड्रिडले रेलिगेशनमा रहेको ग्रेनाडा क्लबलाई ४–० गोलले पराजित गरेको छ । जितसँगै म्याड्रिडले स्पेनिस ला लिगाको उपाधि जित्ने आफ्नो अभियानलाई पुनः बलियो बनाएको छ । गारेथ बेल चोटका कारण विश्राम रहेको अवस्थामा प्रशिक्षक जिनेदिन जिदानले रोनाल्डोलाई पनि मैदानमा उतारेका थिएनन्। अर्का स्ट्राइकर करिम बेन्जेमालाई पनि बेञ्चमा राखेर जेम्स रोड्रिगेज र अल्भारो मोराटालाई मैदानमा उतारेका थिए। प्रशिक्षक जिदानको आशा अनुरुप यी दुवैले २–२ गोल गरे। रोड्रिगेजले ३ र ११ मिनेटमै गोल गरेका थिए। मोराटाले ३० र ३५ मिनेटमा अर्को दुई गोल थपेपछि पहिलो हाफमा म्याड्रिडले ४ गोलको अग्रता बनाएको थियो। तर, दोस्रो हाफमा ग्रेनाडाले आफ्नो पोस्टमा कुनै गोल हुन दिएन । ला लिगाको अंक तालिकामा बार्सिलोना र रियल म्याड्रिड दुबैको समान ८४ अंक छ । गोल अन्तरका आधारमा बार्सिलोना शीर्ष स्थानमा छ । तर, म्याड्रिडले १ खेल कम खेलेको छ। बार्सिलोनाले अब उपाधिका लागि २ खेल खेल्न बाँकी छ भने म्याड्रिडको हातमा ३ खेल छ।
