काठमाडौं । उत्तर कोरियाका सर्वोच्च नेता किम जोङ्ग–उनका दाइ किम जोङ्ग–नामकाको मलेसियामा हत्या भएको छ ।
उत्तर कोरियाका नेता किम जोङ्ग–उनका सौतेनी दाइ किम जोङ्ग–नामको मलेसियाको राजधानी क्वालालम्पुरको विमानस्थलमा आक्रमण गरी हत्या गरिएको हो ।
विमानस्थलमा मकाउ जानका लागि विमान पर्खिरहेका रहेका बेला किम जोङ्ग–नामलाई एक महिलाले आक्रमण गरी हत्या गरेको बिबिसीले जनाएको छ ।
किम जोङ्ग–नामले त्यसबेला अर्कै नामको पासपोर्ट प्रयोग गरेका थिए । किम जोङ्ग–इलका जेठा छोरा जोङ्ग–नाम बुवाको निधनपछि भाइले सत्ता लिएर आफूले नपाएपछि देश बाहिर बस्दै आएको मानिन्छ ।
उनी धेरै समय उत्तर कोरियाबाट बाहिर बस्दै आएका थिए । यसैबिच अमेरिकाले किम जोङ्ग–नामको हत्यामा उत्तर कोरियाकै संलग्नता गरेको दाबी गरेको छ ।
तर जोङ्ग–नामको हत्या कसरी भयो भन्ने बारेमा अमेरिकी अधिकारी अझै अनुसन्धानमै रहेको समाचार संस्था रोयटर्सले जनाएको छ ।
