एजेन्सी । बंगलादेशविरुद्ध हुन टि–ट्वान्टी क्रिकेटमा अष्ट्रेलिया क्रिकेटको कप्तानी विकेटकिपर ब्याट्सम्यान म्याथ्यु वेडले गर्ने भएका छन् ।
बंगलादेशमा भ्रमणमा रहँदा ३३ वर्षीय वेडले टिमको कप्तानी गर्ने अष्ट्रेलिया क्रिकेटले जनाएको हो । नियमित कप्तान आरोन फिन्चले चोटका कारण भ्रमण गुमाउने भएपछि वेडले कप्तानी पाएका हुन् । फिन्च वेस्ट इन्डिज भ्रमणका बेला घुँडामा चोटका कारण खेल्न नसक्ने भएका थिए ।
ढाकामा मंगलबारबाट सुरु हुने भ्रमणमा अष्ट्रेलियाले बंगलादेशसँग पाँच खेलको टी–ट्वान्टी क्रिकेट सिरिज खेल्नेछ । सन् २०१७ पछि अष्ट्रेलियाले पहिलो पटक बंगलादेश भ्रमण गर्न लागेको हो ।
