झापा । झापा जिल्लाको भद्रपुर नगरपालिका ५ मेची पुलबाट साउन १३ गते सशस्त्र प्रहरीले लागूऔषधसहित भारतको विहार किसनगञ्ज घर बताउने २१ बर्षिय अजय पासवानलाई पक्राउ गरेको छ ।
उनलाई सशस्त्र प्रहरी बल, नेपाल बिओपी भद्रपुरबाट खटिएको सशस्त्र प्रहरीले जाँच गर्दा उनको साथमा २ सय १० मिलिग्राम ब्राउन सुगर तथा १० ग्राम गाँजा फेला परेको हो ।
पक्राउ परेका पासवानलाई बरामद लागूऔषधसहित आवश्यक कारवाहीको लागि नेपाल प्रहरीलाई बुझाईएको छ ।
