कोहलपुर। कोहलपुरमा रहेको डुडुवा खोलाको बाँधमा पौडी खेल्ने क्रममा डुबेर तीन युवाको मृत्यु भएको छ।
बुधबार नेपालगञ्ज ११ बाट गएका पाँचजना युवा पौडी खेल्ने क्रममा डुब्दा तीन जनाको मृत्यु भएको छ । दुई युवकलाई प्रहरीले उद्धार गरेर बचाएको इलाका प्रहरी कार्यालय कोहलपुरले जनाएको छ ।
मृत्यु हुनेमा नेपालगञ्ज–११ का १८ वर्षीय रसिद जसगढ, १८ वर्षीय अरमान जसगढ र १७ वर्षीय आरिभ जसगढ रहेका इलाका प्रहरी कार्यालय कोहलपुरले जनाएको छ ।
उनीहरुसँगै रहेका ईरफान जसगढ र अहमन जसगढलाई प्रहरीले उद्धार गरेर जोगाउन सफल भएको इलाका प्रहरी कार्यालय कोहलपुरका प्रमुख डीएसपी रविन्द्र खनालले जानकारी दिए ।