काठमाडौं । नेपालमा पछिल्लो २४ घण्टामा १ हजार ६ सय ६७ ले कोरोना भाइरसलाई जित्न सफल भएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १ हजार ६ सय ६७ संक्रमणमुक्त भएका हुन् । यो सँगै नेपालमा कोरोना संक्रमणमुक्त हुनेको संख्या ६ लाख ३२ हजार ७४ पुगेको छ ।
त्यसैगरी पछिल्लो २४ घण्टामा १ हजार ८ सय १ मा संक्रमण पुष्टि भएको छ । मन्त्रालयका अनुसार पछिल्लो २४ घण्टामा गरिएका ६ हजार ६ सय २८ पीसीआर परीक्षणबाट १ हजार २ सय २३ र ३ हजार एन्टिजेन परीक्षणबाट ५ सय ७८ मा संक्रमण पुष्टि भएको हो ।
मन्त्रालयका अनुसार पछिल्लो २४ घण्टमा २३ संक्रमितले ज्यान गुमाएका छन् । हालसम्म नेपालमा ९ हजार ५ सय ५० ले संक्रमणका कारण ज्यान गुमाईसकेका छन् ।
