काठमाडौं । चीनले नेपाललाई थप १६ लाख डोज खोप अनुदानमा दिने भएको छ ।
प्रधानमन्त्री शेरबहादुर देउवालाई भेट्न शुक्रबार दिउँसो बालुवाटार पुगेकी चिनियाँ राजदूत होउ यान्छीले थप १६ लाख खोप अनुदानमा दिने जानकारी गराएकी हुन् ।
चीन सरकारले नेपाललाई थप खोप दिने निर्णय गरेको राजदूत यान्छीले जानकारी दिएको परराष्ट्र मन्त्रालयले जनाएका छ ।
चीनले हालसम्म नेपाललाई १८ लाख डोज खोप अनुदानमा उपलब्ध गराईसकेको छ भने नेपालले ४० लाख डोज खोप खरिद सम्झौता गरिसकेको छ जसमध्ये ८ लाख खोप आईसकेको छ ।
चीन सरकारले गरेको खोप सहयोगका लागि प्रधानमन्त्री देउवाले धन्यवाद दिएका छन् ।