कास्की । कास्कीमा आजदेखि सार्वजनिक सवारीसाधन चल्ने भएका छन् । कास्की प्रशासनले आज बुधबारबाट लागु हुने गरी थप गरेको निषेधाज्ञामा जिल्ला भित्रमात्र जोरबिजोरका आधारमा सार्वजनिक सवारीसाधन संचालन हुने जनाएकाे छ । निजि सवारीसाधन पनि जोरबिजोरका आधारमा संचालन हुने छन् ।
सवारीसाधन अन्तर्गत दुई पाङ्ग्रे र चार पाङ्ग्रे साना सवारी साधनहरु एवं सार्वजनिक सवारीसाधनहरु जोर गते जोर नम्बर तथा बिजोर गते बिजोर नम्बरका गाडी चल्नेछन् । निजी सवारी चार पाङ्ग्रे र दुई पाङ्ग्रेले स्वास्थ्य मापदण्ड अपनाएर बढीमा चारपाङ्ग्रेका हकमा चालकसहित ४ जना यात्रु मात्र राख्न पाइने छ ।
सार्वजनिक सवारीसाधन संचालन गर्दा सिट क्षमता भन्दा बढी यात्रु राख्न पाईने छैन स्वास्थ्य मापदण्डहरु पुरा गरेर संचालन गर्न कास्की प्रशासनले जानकारी गराएकाे छ ।
विभिन्र पेसा, व्यवसाय गर्ने पसलहरु बिहान ५ बजे देखि साँझ ६ बजेसम्म खुल्ने छन। प्रशासन का अनुसार औषधी तथा स्वास्थ्य सामग्रीका पसलहरु २४ सै घण्टा खुला रहने ।
तर सिनेमा हल, पार्टी प्यालेस, होटल, रेष्टुरेण्ट, चिया तथा खाज पसल, मोटेल, क्लब, डान्सबार, दोहोरी साँझ, फनपार्क, रंगशाला, स्पा,फुडसल, , जिमखाना, फिटनेश सेन्टर, , स्वीमि पुल, व्युटी पार्लर, शैलुन फुटपाथ लगाएतका पसल खोल्न रोक लगाइएको छ ।
कास्कीका प्रमुख जिल्ला अधिकारी थानेश्वर गौतमका अनुसार माथि उल्लेखित बाहेकका व्यवसायहरु मध्ये अत्यावश्यक दैनिक उपभोग्य खाद्य सामग्रीका पसल, तरकारी, पानी, फलफूल आदि बिहान ५ बजे देखि साँझ ६ बजेसम्म संचालन गर्न पाइनेछ ।
यस बाहेकका पसल तथा सेवा व्यवसाय बिहान ११ बजे देखि साँझ ६ बजेसम्म संचालन गर्न पाइनेछ । ताजा दुध बेलुका ५ देखि ७ बजेसम्म नजिकको चिस्यान केन्द्र एवं संकलन केन्द्रमा पुर्याउन एवं बिक्री वितरण गर्न पाइनेछ।
