काठमाडौं। नेकपा एमालेको स्थायी कमिटीको बैठक आज पनि बस्दै छ ।
अपरान्ह ४ बजे प्रधानमन्त्री निवास बालुवाटारमा स्थायी कमिटी बैठक बस्ने भएको हो । बैठकमा पार्टी एकताको लागि अहिलेसम्म भएका पहलबारे छलफल हुने बताइएको छ ।
यसअघि मंगलबार बसेको बैठकले पार्टी एकताका लागि अन्तिमसम्म प्रयत्न गर्ने निर्णय गरेको थियो । त्यसैकारण माधव नेपाल पक्षका थप १२ सांसदमाथिको कारबाही रोकिएको छ ।
केहि दिनयता दुवैतर्फका दोस्रो तहका नेताहरू पार्टी एकता जोगाउन आन्तरिक रूपमा छलफल र परामर्शलाई निरन्तरता दिइरहेका छन् ।
