पाल्पा । पाल्पामा जेठ १५ गते रातिसम्मका लागि निषेधाज्ञा थप गरिएको छ ।
सोमबार बसेको जिल्ला स्तरीय डीसीसीएमसीको बैठकले पाल्पामा जारी रहेको निषेधाज्ञा जेठ १५ सम्म लम्ब्याइएको जिल्ला प्रशासन कार्यलयले जनाएको छ ।
यसअघि पाल्पामा जेठ ४ गतेसम्मका लागि निषेधाज्ञा लगाइएको थियो । पाल्पामा कोरोना संक्रमण समुदाय स्तरमा फैलँदै गएपछि थप कोरोना फैलिन नदिनका लागि निषेधाज्ञाको समयावधि थप गरिएको प्रमुख जिल्ला अधिकारी योगेन्द्रप्रसाद पाण्डेले जानकारी दिए ।
