Our Network

वैशाख २४ २०७८, शुक्रबार

मेघगर्जन, चट्याङ र हावाहुरीसहित क्षणिक वर्षाको सम्भावना कायमै

काठमाडौं । आज देशको पहाडी भूभागमा आंशिकदेखि सामान्य बदली रही बाँकी भूभागमा मौसम सामान्यतया सफा रहने जल तथा मौसम पूर्वानुमान महाशाखाले जनाएको छ ।

हाल देशमा स्थानीय वायुको साथसाथै पश्चिमी वायुको आंशिक प्रभाव रहेको देखिन्छ ।

देशको पहाडी भूभागहरुमा आंशिक बदली रहेको छ भने बाँकी भूभागको मौसम सामान्यतया सफा रहेको छ ।

आज दिउँसो पनि अधिकांस क्षेत्रमा मौसम सामान्यतया सफा रहने छ । देशको पहाडी भूभागका केही स्थानहरुमा भने अपरान्ह पछि मेघगर्जन, चट्याङ र हावाहुरीसहित क्षणिक वर्षाको सम्भावना रहेको छ ।

आज राति देशका पहाडी भूभागमा आंशिकदेखि सामान्य बदली रही बाँकी भूभागमा मौसम सामान्यतया सफा रहने छ । देशका पहाडी भूभागका केही स्थानमा मेघगर्जन, चट्याङ र हावाहुरीसहित क्षणिक वर्षाको सम्भावना रहेको छ ।

देशको पहाडी भूभागका थोरै स्थानहरुमा विशेष गरी साँझपख मेघगर्जन, चट्याङ र हावाहुरीसहित क्षणिक वर्षाको सम्भावना रहेकोले महाशाखाले सतर्कता अपनाउन आग्रह गरेको छ ।

Leave a Reply