काभ्रे। नेकपा एमालेका नेता माधवकुमार नेपालले नेपाल पत्रकार महासंघको निर्वाचनमार्फत प्रधानमन्त्री केपी शर्मा ओलीलाई धक्का दिएको बताएका छन् ।
काभ्रेको बनेपामा शनिबार साँझ ओयोजित नेकपा एमाले काभ्रेको विस्तारित बैठकलाई सम्बोधन गर्दै नेता नेपालले पत्रकार महासंघको निर्वाचन र कर्णाली प्रदेशको फ्लोर क्रस केपी ओलीको परिणाम भएको आरोप लगाएका छन् ।
नेता नेपालले नेकपा एमालेको गत अधिवेशनबाट निर्वाचित १५ जना पदाधिकारीमध्ये उपाध्यक्ष अष्टलक्ष्मी शाक्य, उपाध्यक्ष भीम रावल, उपमहासचिव, सचिवहरू लगायत १० जना आफ्नो समूहमा रहेको, स्थायी कमिटि र पोलिटव्युरोमा समेत आफ्नो समूह बहुमतमा रहेकाले ओली अल्पमतमा पर्ने भएकाले छलकपटपूर्ण तरिकाले अघि बढेको बताए ।
नेता नेपालले पार्टी विधि विधानबाट चल्नुपर्ने बताउँदै सर्वोच्चको फैसला अनुरुप २०७५ जेठ २ गतेको पार्टीनै आधिकारिक एमाले भएको बताए ।
उनले एमाले विधि विधानमा चल्ने पार्टी भएकाले अधिवेशनबाट निर्वाचित पदाधिकारीको पद कसैले खोसेर नखोसिने दाबीसमेत गरे ।
