एजेन्सी, ४ चैत । म्यानचेस्टर सिटी च्याम्पियन्स लिग फुटबलको क्वाटरफाइनलमा पुगेको छ ।
मंगलबार राति घरेलु मैदानमा भएको अन्तिम १६ को दोस्रो लेगमा बोरुसिया मोन्चेङ्लाडवाचलाई २–० गोल अन्तरले पराजित गरेर समग्रमा ४–० को जितसहित म्यानचेस्टर सिटी क्वाटरफाइनलमा पुगेको हो ।
अवे मैदानमा भएको पहिलो लगेमा पनि म्यानचेस्टर सिटी २–० गोल अन्तरले नै विजयी भएको थियो । गए रातिको खेलमा सिटीका लागि केविन डी ब्रूयनले १२ औँ तथा र इल्कायी गुण्डोगानले १८ औँ मिनेटमा गोल गरेका हुन् ।
