काठमाडौं, १७ फागुन । पछिल्लो केही दिन यता लगातार ओरालो लागेको सुनको मूल्य सोमबार उकालो लागेको छ । नेपाल सुनचाँदी व्यवसायी महासंघका अनुसार सोमबार सुनको मूल्यमा प्रतितोला ४ सय रुपैँयाले बृद्धि भएको छ ।
महासंघले सोमबार सुनको मूल्य प्रतितोला ८८ हजार ७ सय रुपैँया निर्धारण गरेको छ । यसअघि आइतबार सुन प्रतितोला ८८ हजार ३ सयमा कारोबार भएको थियो । यस्तै सोमबार तेजावी सुन प्रतितोला ८८ हजार २ सय ५० रुपैँया मूल्य निर्धारण गरिएको छ ।
चाँदीको मूल्य पनि प्रतितोला ५ रुपैयाँले बढेर १३ सय ३० रुपैँया निर्धारण गरिएकोे छ।