एजेन्सी,१७ मंसिर। संयुक्त राष्ट्रसंघका महासचिव एन्टोनियो गुटेर्रेसले रासायनिक हतियारको अन्त्य गर्न अन्तर्राष्ट्रिय समुदायलाई आग्रह गर्नुभएको छ ।विश्वलाई नै रासायनिक हतियार विहिन बनाउनुपर्ने भन्दै उहाँले विश्वका सम्पूर्ण देशहरुलाई आग्रह गर्नुभएको हो ।
रासायनिक हतियारबाट पीडितहरुको स्मृति दिवसका अवसरमा सन्देश प्रकाशित गर्दै उहाँले यसको प्रयोग कहिल्यै, कहिँ, कुनै पनि बाहनामा वा कुनै पनि अवस्थामा ठिक नभएको बताउनुभएको छ । साथै उहाँले रासायनिक हतियारको प्रयोगले अन्तर्राष्ट्रिय कानुनको उलंघन हुने गरेको समेत बताउनुभएको छ ।
रासायनिक हतियारको प्रयोगलाई कहिल्यै पनि सहज र स्वभाविक रुपमा लिन नहुने भन्दै महासचिव गुटेर्रेस यसबाट पीडित भएकाहरुप्रति पनि विश्व समुदायको नैतिक जिम्मेबारी रहेको तर्फ सवैको ध्यानाकर्षण गराउनुभयो । साथै सन्देश मार्फत उहाँले पीडितहरुप्रति सहानुभूति पनि व्यक्त गरेका छन् ।
