बर्दिया, २९ साउन । बर्दियामा थप ३ दिनका लागि निषेधाज्ञा जारी गरिएको छ । कोरोना संक्रमण बढेसँगै थप ३ दिनका लागि निषेधाज्ञा जारी गरिएको हो ।
जिल्ला कोभिड -१९ संकट व्यवस्थापन केन्द्र बर्दियाको बिहीबार बसेको बैठकले बर्दियामा ३ दिन थप गरि साउन ३२ गते सम्म निषेधाज्ञा कायम गरिएको जिल्ला प्रशासन कार्यालय बर्दियाका सुचना अधिकारी नारायणप्रसाद ढकालले जानकारी दिनु भयो।
यसअघि स्थानीय प्रशासनले साउन २५ गतेदेखि २९ गते बिहीबार ५ दिनसम्म अत्यावश्यकबाहेक सम्पूर्ण गतिविधि निषेधित गरिएको थियो ।
