एजेन्सी, ९ फागुन । अमेरिकी राष्ट्रपति डोनाल्ड ट्रम्पका पूर्व सल्लाहकार रोजर स्टोनलाई ४० महिनाको जेल सजाय सुनाइएको छ । अमेरिकी न्याय विभागले ६७ वर्षीय स्टोनलाई अमेरिकी संसदमा झुट बोलेर काममा बाधा र्पुयाएको भन्दै उक्त सजाय सुनाइएको हो ।
त्यसैगरी राष्ट्रपति ट्रम्पलाई गैरकानुनी काम गर्न प्रोत्साहन गरेको पनि उनीमाथि आरोप लगाइएको छ । सन् २०१६ को राष्ट्रपतीय निर्वाचनमा रुसले गरेको हस्तक्षेपबारे अनुसन्धान गर्नेक्रममा संसदीय समितिहरुमा झुट बोलेर गलत सूचना दिएको आरोप लगाइएको छ । उनी ट्रम्पका छैटौं सहयोगी हुन् । जो न्याय विभागको अनुसन्धानमा जोडिएको आरोपमा दोषी ठहरिएका हुन् ।
राष्ट्रपति ट्रम्पले भने आफ्ना सहयोगीलाई माफी दिने संकेत गरेका थिए । तर, ट्रम्पको चाहनाविपरीत अदालतको फैसला आएको हो ।
