काठमाडौं, ५ वैशाख । कीर्तिपुर नगरपालिकाले त्रिभुवन विश्वविद्यालय कीर्तिपुरमा अध्यनरत विद्यार्थीहरुलाई राहत सामग्री उपलब्ध गराएको छ ।नगरपालिकाले शुक्रबार विश्वविद्यालयका करिब ५ सय विद्यार्थीलाई अत्यावश्यक खाद्य सामग्री उपलब्ध गराएको हो ।
लकडाउनका कारण विद्यार्थीहरुलाई खाद्य सामग्री अभाव नहोस भन्ने उद्देश्यले कीर्तिपुर नगरपालिकाले राहत वितरण गरेको हो । त्रिभुवन विश्व विद्यालयका प्राचार्य कृष्णप्रसाद आचार्यले नगरपालिकाको सहयोगमा विश्वविद्यालयमा अध्यनरत ५ सय जनाले राहत सामग्री पाएका जानकारी दिनुभयो ।
नगरपालिकाले विद्यार्थीहरुलाई १० किलो चामल, दाल, तेल, नुन, आलु लगायतका खाद्य सामग्रीहरु उपलब्ध गराएको हो ।
