काठमाडौँ, १८ चैत । जिल्लाको खाडाँदेवी गाउँपालिकामा बाेलेराे जिप दुर्घटना भएको छ । दुर्घटनामा परी २ जनाको मृत्यु भएको छ ।
बा १४ च ९४९८ पिकअप बोलेरो जिप भक्तपुरबाट रामेछापको दोरम्बातर्फ जाँदै गर्दा दुर्घटना भएकाे बताइएकाे छ । जिप सडकदेखि करिब १ सय मिटर तल खसेर दुर्घटना भएकाे हाे ।
साे दुर्घटनामा ३० जना घाइते भएका थिए । घाइते भएकामध्ये दोरम्बा गाउँपालिका- ३ का ४० वर्षीय गोपीलाल पहारी र सोही गाउँपालिका- २ की २५ वर्षीया संगिता पहरीको उपचारको क्रममा मृत्यु भएको जनाइएको छ ।
घटनाबारे थप जानकारी आउन बाँकी छ…
