एजेन्सी, १८ पुस । ईङ्लिस प्रिमियर लिग फुटबलमा लिभरपुलले अपराजित यात्रा कायमै राखेको छ ।
बिहिबार घरेलु मैदान एनफिल्डमा लिभरपुलले सेफिल्ड युनाइटेडमाथि २–० गोलअन्तरको सहज जित हात पार्दै अपराजित यात्रा कायम राखेको हो । लिभरपुललाई निरन्तर जित दिलाउन मोहमद सलाहा र साडियो मानेले एक–एक गोल गरे ।
यो जितसंगै ईङ्लिस प्रिमियर लिग फुटबलमा लिभरपुल एक बर्षसम्म अपराजित यात्रालाइ निरन्तरता दिन सफल भएको छ । सन् २ हजार १९ को जनवरी ३मा म्यान्चेस्टर सिटीसंग हारेयता प्रिमियर लिग फुटबलमा लिभरपुल पराजित भएको छैन ।
जारी लिगका २० खेलबाट १९ जित र १ बराबरीसंगै ५८ अंक जोडेर लिभरपुल शीर्ष स्थानमा रहेको छ । दोस्रो स्थानको लेइसेस्टरको ४५ अंक छ ।
