काठमाडौं, ३० भदौ । कम्युनिष्ट पार्टी (नेकपा)का अध्यक्ष पुष्पकमल दाहाल (प्रचण्ड)ले गणतन्त्र विरोधी तत्वहरु विरुद्ध प्रतिवादमा उत्र्न पार्टीका युवा, विद्यार्थीहरुलाई आह्वान गर्नु भएको छ । सोमबार नेकपाका नेता पोष्टबहादुर बोगटीको पाँचौ स्मृति दिवसका अवसरमा राजधानीमा आयोजित एक कार्यक्रममा अध्यक्ष दाहालले यस्तो आग्रह गर्नुभएको हो ।
उहाँले हजारौं सहीदहरुको बलिदानीपूर्ण संघर्षबाट प्राप्त परिवर्तन विरुद्ध केही अराजकतावादी तत्वहरुले जनतामा भ्रम फैल्याउने प्रयास गरिरहेको दाबी गर्नुभयो । दाहालले त्यसप्रति सचेत रहन सिंगो पार्टी पंक्ति लगायत सबैसंग आग्रह गर्नु भयो ।
दाहालले नेता बोगटीलाई निष्ठावान नेताको रुपमा चित्रण गर्दै उहाँले देखाएको बाटोबाटै परिवर्तनलाई सार्थक बनाउन सकिने उल्लेख भयो ।