काठमाडौं, १२ फागुन । इंग्लिस प्रिमियर लिग फुटबलमा टोटनह्याम हट्सपर पराजित भएको छ । शनिवारराति भएको खेलमा टोटनह्यामलाई बर्नलेले २–१ ले हराएको हो ।
बर्नलेलाई विजयी गराउन क्रिस उड र आस्ले बार्नसले एक–एक गोल गरे । गएराति भएका अन्य खेलमा क्रिष्टल प्यालेसले लेस्टर सिटीलाई ४–१ ले हराउँदा न्यूकासल युनाईटेडले हडर्स्फिल्ड टाउनमाथि २–० को जित निकाल्यो ।
यसैगरी, बर्नमाउथ र वुल्भरह्याम्पटन वान्डरर्सले १–१ गोलको बराबरी खेले । प्रिमियर लिग फुटबलमा आज राति दुई खेल हुनेछन् । आज राति हुने खेलमा आर्सनल र साउथह्याम्प्टन तथा म्यान्चेस्टर युनाईटेड र लिभरपुल वीच प्रतिस्पर्धा हुनेछ ।
