काठमाडौं, ५ भदौ । एशियाली खेलकूदको पौडीतर्फ हिजो भएको खेलमा दुई नेपाली महिला गौरिका सिंह र टीसा शाक्यले प्रतिस्पर्धा गरेका हुन् ।
खेलाडी गौरिका सिंह र टीसा शाक्य दुवैले १०० मिटर फ्रि स्टायलमा भाग लिएका थिए । २७ खेलाडी सहभागी उक्त प्रतिस्पर्धामा गौरिकाले १८ औँ र टीसाले २२ औँ स्थान प्राप्त गर्न सफल भए ।
गौरिकाले निर्धारित दूरी तय गर्न १ मिनेट शुन्य दशमलव ८२ सेकेन्ड समय लगाएकी थिइन् भने टिसाले १ मिनेट शुन्य दशमलव तीन सेकेन्ड लगाएकी थिइन् ।आजको खेलमा नेपालका शिरीष गुरुङले पुरुष ५० मिटर फ्रि स्टायलमा सहभागिता जनाउदै छन् ।
