काठमाडौं, २५ जेठ । जनकपुरबाट नेपालगञ्ज जाँदै गरेको बस दाङको भालुबाङ–लमही सडकखण्डमा दुर्घटना हुँदा एक बालिकाको मृत्यु भएको छ ।
ना ५ ख १८२९ नम्बरको बस राप्ती गाउँपालिका ५ स्थित पहरुवामा आज विहान दुर्घटना हुँदा ३२ जना घाइते छन् । घाइतेमध्ये पाँच महिला, तीन पुरुष, दुई बालिका र एक बालकको अवस्था गम्भिर रहेको लमही प्रहरीले जनाएको छ ।
गम्भिर घाइतेहरुलाई उपचारका लागि बाँकेको कोहलपुर पठाइएको छ । बसमा ३३ जना सवार थिए । तिब्र गतिमा रहेको बसका चालक निदाएका कारण दुर्घटना भएको प्रहरीले बताएको छ ।
