सिरहा, १० चैत । विकास ट्रेडर्स, सुनचाँदी पसलमा गराइएको बम विष्फोटको विरोधमा सिराहको लहान बजार बन्द गराइएको छ । उद्योग वाणिज्य संघको आह्वानमा आज लहान बन्द गराइएको हो ।
शुक्रबार विकास ट्रेडर्समा बम विष्फोट गराईंदा ८ जना घाइते भएका थिए । विस्फोटमा परी विकास ट्रेडर्सका संचालक विकास सारडा, उनका भाई राहुल, पसल मै काम गर्ने अनुशिता कुमारी चौधरी, लहान ११ की विनिता कुमारी चौधरी घाइते भएका छन् ।
यस्तै सुनचाँदी पसलमा पुगेका सिरहाको मझौराका देवकुमारी यादव, उनका ७ वर्षीय छोरा सतिश, मधोपुर कालाबन्जरकी बबिता यादव र सप्तरी सुरुङ्गा नगरपालिका ६ की मोनिका देवी पनि घाइते भएका छन् ।
घाइतेमध्ये ६ जनाको सप्तऋषि अस्पताल र २ जनाको राम कुमार स्मारक अस्पतालमा उपचार भइरहेको छ । उपचार भइरहेकामध्ये ७ वर्षीय बालक सतिशको अवस्था गम्भीर रहेको छ ।
